အိုဘယ့် … တပ်မတော်သားတွေရယ်

အိုဘယ့် … တပ်မတော်သားတွေရယ်

အရှင်ခေမာစာရ
Friday, February 20, 2009




(စကားချပ်)။
စာရေးသူသည် ဤရဲကလေးနှင့် တွေ့ဆုံခဲ့သည်မှာ ၇၊ ၆၊ ၉၇ နေ့ ၀၈း၃၀ နာရီတွင် ဖြစ်သည်။ ၎င်းနေရာသို့ နယ်စပ်ဒေသမှ ပြည်တွင်း ဖက်သို့ တရက်တိတိ ခြေလျှင်လမ်းလျှောက်ပြီးမှ ရောက်နိုင်သောနေရာတနေရာ ဖြစ်သည်။ ဤရဲဘော်ကလေး၏ တောင်းပန် လျှောက် ထားချက်အရ အမည်၊ ကိုယ်ပိုင်အမှတ်၊ နေရပ်လိပ်စာ အပြည့်အစုံနှင့် ဓာတ်ပုံကိုဖော်ပြခြင်းမပြုဘဲ ချန်လှပ်ထားခဲ့သည်။ ရဲဘော်ကလေး ၏ပြောပြ လျှောက်ထားချက်များကို မူရင်းမပျက်စေဘဲ အရှိအတိုင်း ရေးသားလိုက်ခြင်းဖြစ်သည်။ စာဖတ်သူများ စစ်အာဏာရှင်စနစ် အုပ်စု စစ်တပ်တည်ဆောက်ပုံ၊ တပ်မတော်အတွင်း စိတ်ဓာတ်စစ်ဆင်ရေး ပြုပြင်ပြောင်းလဲလုပ်နေပုံနှင့် လူ့အခွင့်အရေး ချိုးဖောက်မှု များကို သိမြင်ထင်ဟပ်ပေါ်လွင် ကြလိမ့်မယ်ဟု မျှော်လင့်မိပေသည်။

စာရေးသူ။





ဧရာဝတီတိုင်း၊ ပုသိမ်မြို့ (၇) ရပ်ကွက်မှာ နေပါတယ်။ ဟိုတုန်းက မိဘနှစ်ပါးရှိပါတယ်။ ခုတော့ မရှိတော့ဘူးလို့ ကြားတယ်။ ညီ အကို မောင်နှမ (၇) ယောက်ထဲက ဒုတိယမြောက်သားပါ။ အခု အသက် (၁၇) နှစ် ရှိပါပြီ။ မူလတန်း (၄) တန်းပညာလောက်ပဲ သင်ခဲ့ဖူး တယ်။ အသက် (၁၀) နှစ်လောက် ထိပါ။

အင်း … ဒီလိုပါ။ တနေ့တော့ ဗွီဒီယိုကြည့်ပြီး သူငယ်ချင်း (၃) ယောက်နဲ့ အိမ်ကိုပြန်လာခဲ့တယ်။ သီချင်းကလေး ဘာကလေးဟစ် ရင်းနဲ့ပေါ့။ “ဟေ့ … ဘယ်သူတွေလဲ၊ လာခဲ့စမ်း” ဆိုတော့ ကြည့်လိုက်တော့ မီးသတ်တွေဖြစ်နေတယ်။ အချိန်ကတော့ ည (၁၂) နာရီကျော် နေပါပြီ။ မီးသတ်တွေ အဲဒီလိုပြောပြီးတော့ ဘာမှဆက်မပြောဘဲ ခေါ်သွားတယ်။ မီးသတ်တွေ ညကင်းလှည့်နေတာ ထင်တယ်။ ခေါ်သွားတဲ့ နေရာက စစ်သားစုဆောင်းရေး ဖြစ်နေတယ်။ နားမလည်တော့ဘူး။ တကယ်တော့ မီးသတ်ဟာ အရပ်ဖက်ကပါပဲ။ ဒါပေမယ့် စစ်တပ်က ဖွဲ့ ထားတာဖြစ်နေတယ်။ နည်းနည်းတော့ ရှုပ်တယ်။ ပထမတော့ မင်းတို့ဘယ်သွားမလို့လဲလို့ မေးတယ်။ အိမ်ကိုပေါ့ဆိုတော့ ဒါဆိုရင်ခဏလိုက် ခဲ့ဆိုပြီး ခေါ်သွားတာပါပဲ။ ဒီလိုနဲ့ စစ်သားစုဆောင်းရေးမှာ တလကျော်ကျော်နေခဲ့ရတယ်။ အဲဒီမှာ အခြားတော့ မယ်မယ်ရရမလုပ်ရပါဘူး။ ပန်း ပင်တွေ၊ ဟင်းသီး ဟင်းရွက်ပင်တွေ စိုက်ရတယ်။ စိုက်ရတာတော့ နေ့တိုင်းပါပဲ။ အဲဒီ စစ်သားတွေကတော့ မစိုက်ဘူး။ သူတို့ ညွှန်ကြားတာပဲ လုပ်ရတယ်။ ကြာတော့မဟုတ်ဘူး။ ရဲဘော်သစ်တယောက်လို ဆက်ဆံနေတယ်လေ။ စိတ်ထဲမှာ လန့်လာတယ်။ စစ်တပ်ထဲဝင်ဖို့ လာတဲ့ပုံစံနဲ့ ဆက်ဆံနေကြတာကိုး။ ဘာကြောင့်လဲဆိုတာ မသိဘူး။ အမှန်တကယ်တော့ စစ်တပ်ထဲဝင်မယ်ဆိုရင် အရပ်က အနည်းဆုံး (၅) ပေရှိရမယ်။ ပေါင်ကအနည်းဆုံး (၁၂၀) ပြည့်ရမယ်။ အသက်က (၁၈) နှစ်ဖြစ်ရမယ်။ ခု ဒီလိုမဟုတ်ဘူး။ အရပ်က (၄) ပေပဲရှိသေးတယ်။ ပေါင်ကလဲ ပြည့် တာမဟုတ်ဘူး။ (၉၀) ပေါင်ပဲ ရှိတယ်။ အသက် (၁၅) နှစ်၊ ကြည့်ပါ။ ဘယ်လိုမှ စစ်တပ်နဲ့ မဖြစ်နိုင်ဘူး။ ဒါပေမယ့် အတင်းအကြပ် တပ်ထဲ သွင်းခဲ့ကြတယ်။ သူတို့က စစ်တပ်ထဲ ဝင်စေချင်တော့ အသက်ကို (၁၈) နှစ်ဆိုပြီး လိမ်ပြောတယ်။ နောက်ပြီးတော့ ဆေးကိုလဲလိမ်တယ်။

ဒီလိုနဲ့ သင်တန်းကို ပို့လိုက်ကြတာပါပဲ။ သံဖြူဇရပ်မှာရှိနေတဲ့ ဝဂ္ဂလိစစ်သင်တန်းကျောင်းကို ပို့လိုက်ကြတယ်။ အဲဒီမှာ သင်တန်း သားတွေ (၂၅၀) လောက် ရှိတယ်။ ဗိုလ်ကြီးဇော်မျိုးဆိုတဲ့ ပုဂ္ဂိုလ်က သင်တန်းမှူးလုပ်တယ်။ သင်တန်းမှာ သိပ်ဆင်းရဲတာပေါ့။ ထမင်းတပန်း ကန်ပြား နှစ်လုပ်ပဲ စားရတယ်။ ကုန်သွားရော၊ တရက်မှာ (၂) ပဲ ကျွေးတယ်။ ခမရထဲဝင်ရင် ငပွေး (တပ်မတော်မှ တိုင်းရင်းသား စည်းလုံးညီညွတ်ရေးအစီအစဉ်အရ ကရင်ကို ငပွေးလို့ခေါ်သည်) နဲ့ တိုက်ရမယ်လို့ ပြောတယ်။ ကရင်လို့ မပြောဘူး။ ငပွေးတွေ မင်းတို့ကို တွေ့ရင် တွေ့ တဲ့နေရာမှာ လည်လှီးမယ်။ ဟိုကောင်တွေက ချမယ်။ မင်းတို့လဲ သူတို့ကို တွေ့တာနဲ့ ဟုတ်လား။ ချပေတော့။

သင်တန်းမှာ လူထုလက်ရှိအခြေအနေဘယ်လို ရှိတယ်တယ်ဆိုတာ ဘာမှမပြောပြဘူး။ သင်တန်းဆင်းပြီးသွားတာနဲ့ တပ်ရင်း ရောက်ရင် ပေါ်တာဆွဲတာတို့၊ ဘာတို့ လုပ်ကြတယ်၊ လုပ်ရတယ်။ လက်ရှိ ဒီမိုကရေစီလူထုလှုပ်ရှားမှုနဲ့ပါတ်သက်လို့ သင်တန်းသားတွေထဲမှာ ခံစားမှု စိတ်ဝင်စားမှုမရှိဘူး၊ မတွေ့ရဘူး။ ပြင်ပမှာ လှုပ်ရှာ်းနေတာနဲ့ ပတ်သက်လို့ပေါ့လေ၊ တယောက်နဲ့တယောက် နောက်ကြပြောင်ကြပေါ့ လေ။ ဒေါ်အောင်ဆန်းစုကြည်နဲ့ ပတ်သက်လို့ပြောကြတာတွေ ရှိပါတယ်။ အဲဒီအခါမှာ အချုပ် (၂၈) ရက် ချပစ်တယ်။ (တခါဆိုရင်) ဗိုလ်ချုပ် အောင်ဆန်းနဲ့ပတ်သက်လို့ ဘာမှကို သင်တန်းထဲမှာ ပြောလို့ဆိုလို့ မရဘူ။ ပြောရင်လဲ အချုပ်ကျတယ်။ သင်တန်းခမ်းမတွေမှာတောင် အယင် ကဆိုရင် ဗိုလ်ချုပ်အောင်ဆန်းဓာတ်ပုံတွေ ကပ်ထားတယ်လို့ဆိုတယ်။ ခု ဓာတ်ပုံတွေ မရှိတော့ဘူး။ မတွေ့ရတော့ဘူး။ အဲဒီမှာ နေရာယူတာ ကတော့ ဦးစောမောင်ပုံကြီးလေ။ ပြီးတော့ ဗိုလ်ချုပ်သန်းရွှေရဲ့ ပုံ၊ ဒါပဲ ရှိတော့တယ်။ တပ်မတော်ရဲ့ ဖခင်ဟာ ဗိုလ်ချုပ် အောင်ဆန်း ဖြစ်တယ် ဆိုတာလဲ မပြောရတော့ဘူး။ သင်တန်းပြီးတော့ ရေး၊ လမိုင်းဘက် တပ်ရင်း (၁၀၆) ကို ပို့လိုက်ကြတယ်။ ၁၉၉၅ ခုမှာ ရောက်သွားတယ်ဆိုပါ တော့။ အဲဒီမှာ တပ်ရင်းမှူး ဗိုလ်မှူးအောင်ကြည်သောင်းပေါ့။ ပြီးတော့ ခွဲ (၄) တာဝန်ချပေးတယ်။ တပ်စု အနေနဲ့ကတော့ တပ်စုဆရာကြီးထွန်း စိန်တပ်စုမှာ တာဝန်ထမ်းဆောင်ရတယ်။ ခွဲမှူးက ဗိုလ်ကြီးထွန်းအောင်မြင့်၊ ဝမ်းရေးနယ်မြေခွင်မှာ လှုပ်ရှားရတယ်။ တောင်ပေါက်နယ်တို့၊ ခွန်နဝါးနယ်တို့မှာလဲ လှုပ်ရှားရတယ်။ နောက်တော့ ပေါ်တာဆွဲတဲ့ အလုပ်ပါ လုပ်ရတယ်။ ရထား တွေ၊ ကားတွေမှာပေါ့။ ရထားတွေ၊ ဘာတွေ ထွက်လာပြီဆိုရင် ရပ်လို့ရှိရင်တက်ပြီး ပေါ်တာဆွဲရတယ်။ ဆရာကြီး (တပ်ကြပ်ကြီး) တွေက ညွှန်ကြားရုံ ညွှန်ကြားတယ်။ သူတို့က နောက်က လိုက်လာပြီး လူတွေကို ဖမ်းဆီးဖို့ညွှန်ကြားတယ်။ ဖမ်းတာကျတော့ ရဲဘော်တွေ ဖမ်းခိုင်းတာပေါ့။ ဖမ်းထားတဲ့ လူတွေကို ပထမတော့ ရဲဘော်တွေက စောင့်ရတယ်။ နောက်တော့ မစောင့်ဖြစ်တော့ဘူး။ ရဲဘော်နဲ့ အရာရှိတွေနဲ့ ဒီစောင့်တဲ့ ကိစ္စနဲ့ပတ်သက်လို့ စကားများတာ ခဏခဏဆိုတော့ ရဲဘော်တွေ မစောင့်ရဘူး။ အင်း .. အဲဒီမှာ ပြည်သူ့စစ် တွေပဲ စောင့်ခိုင်းတော့တယ်။ ခက်တာက ကိုယ့်စောင့်တဲ့အလှည့်မှ ပေါ်တာပြေး သွားလို့ လွတ်သွားရင် အရိုက်လဲခံရ၊ အချုပ်လဲ ကျတယ်။ တပတ် အချုပ်ကျတယ်။ နောက်တော့ မလုပ်တော့ဘူး။ ပြည်သူ့စစ်တွေပဲ စောင့်တော့၊ ဖမ်းတာပဲ ရဲဘော်တွေဖမ်းတယ်။

ပေါ်တာဆွဲခံရတဲ့အထဲမှာ သံဃာတွေလည်းပါတယ်။ တခါ ပေါ်တာသွားဆွဲတာ ဦးပဉ္ဇင်းသုံးပါး ပါတယ်။ သူတို့က ဖမ်းဆီးခံရတယ် လို့ ထင်တာကိုး။ ပေါ်တာဆွဲပြီးတော့ စစ်ကြောင်းထွက်ရင်းနဲ့ တောင်ပေါက်ခွင်မှာ တိုက်ပွဲဖြစ်တယ်။ အဲဒီမှာ ဦးပဉ္ဇင်းတပါးသေ (ပျံတော်မူ) သွားတယ်။ ဘွဲ့ကတော့ မသိလိုက်ဘူး။ အဲဒီသံဃာတွေ အေးအေးဆေးဆေးပဲလိုက်လာခဲ့တယ်။ ဗုံးသီးတွေ၊ ရိက္ခာတွေ ထမ်းခိုင်းတယ်။ မ ထမ်းနိုင်ရင်၊ တောင်ပေါ် မတက်နိုင်ရင် ရိုက်တယ်။ အပေါ်ကတော့ အင်္ကျီ၊ အောက်ကတော့ သင်္ကန်း (သင်းပိုင်) ဝတ်ထားတယ်။ ပေါ်တာဖမ်းတာမှာ လူတယောက်ယောက်က မလိုက်ဘူးဆိုရင် ထုရိုက်ပြီးတော့ ခေါ်ရတယ်။ မလိုက်ချင်ရင် ပိုက်ဆံနဲ့ ရွေးရတယ်။ လွှတ်ပေးတယ်။ ဒါ တွေက ရိုးနေပါပြီ။

ဒါ့အပြင် မှောင်ခို (တရားမဝင်ကုန်သွယ်မှု) တွေလဲ ဖမ်းရတာရှိတယ်။ ကိုယ်တိုင်လဲ ဖမ်းဖူးတယ်လေ။ အခြားကတော့ မဟုတ်ဘူး။ နွားကုန်သည်တွေကို ဖမ်းဖူးတာပါ။ အဲဒီတုန်းက နွား (၁၂) ကောင် ရခဲ့တယ်။ ပိုက်ဆံ သူတို့ပေးသွားတာက တသောင်းကျော်ကျော် လောက် ပေးသွားခဲ့တယ်။ ဖမ်းဆီးခံရတဲ့ နွားကုန်သည်တွေက လွတ်ရင်ပြီးရောဆိုပြီး တသောင်းကျော်ကျော် ပေးသွားတာ။ လူလွတ်ဖို့ ပစ္စည်းပေးသွားတာ။ နွားတော့ ထားခဲ့တယ်လေ။ အဲ့ဒီနွားတွေကို တပ်ရင်းမှူးလက်ထဲမှာပဲ ရှိတယ်။ အဲဒီ နွားတွေကို တပ်ထဲမှာပဲ မွေးထား တယ်။ မွေးထား ကျွေးထားပြီးတော့ ဝလာရင်တော့သူတို့ပဲ ပြန်ရောင်းလိုက်ကြတယ်။ တပ်ရင်းကမရဘူး။ ရဲဘော်ကလည်း မရဘူး။ တပ်ရင်းမှူးပဲ နွားရောင်းတဲ့ ပိုက်ဆံတွေကို ရတယ်။ တပ်ရင်းမှူးနဲ့ ဒု-ရင်းမှူးပဲ ရကြတယ်။ နွားကုန်သည်က ပေးသွားတဲ့ ပိုက်ဆံ တသောင်းကိုလဲ ရဲဘော်တွေ မရပါဘူး။ သူတို့ပဲ ရတယ်။ အခြားမှာလဲ ဒီလိုပဲ လိုက်ဖမ်းနေကြတာပါပဲ။

ရှေ့တန်းထွက်လို့ ရွာထဲရောက်တဲ့အခါ ရိက္ခာတွေကို ရွာထဲမှာပဲရှာတယ်။ ပထမတော့ ကြက်တို့၊ ဝက်တို့ပေါ့လေ။ တောင်းတယ်။ တောင်းလို့မရဘူးဆိုရင် ဘာမှမပြောတော့ဘူး။ ပေးပေးမပေးပေး ယူကြတာပါပဲ။ ဒီရိက္ခာကိစ္စနဲ့ပတ်သက်ပြီး ဒီလိုလုပ်တာကို တပ်ရင်း ကတော့ ဘာမှမပြောထားဘူး။ တခါတခါ အဓမ္မပြုကျင့်မှုတွေလဲ ရွာထဲမှာဖြစ်တယ်ဆိုတာ တကယ်ဟုတ်တယ်။ ကြုံဖူးတယ်။ တခါးချောင်း ရွာမှာ ကရင်မ တယောက်ပါပဲ။ မုဆိုးမပဲ၊ သူ့ယောက်ျားသေသွားပြီး။ သေသွားတော့ ဒု-ရင်းမှူးက အဓမ္မပြုကျင့်တော့ ပြဿနာပေါ်တယ်။ မနက်ပိုင်းကျတော့ အဲဒီအမျိုးသမီးက တိုင်တာပေါ့။ တရွာလုံး လိုက်ပြောတာပေါ့။ ဒု-ရင်းမှူးရှက်ပြီး ချက်ချင်း စစ်ကြောင်းထွက်ခိုင်းတယ်။ ရီရတယ်။ ရွာထဲ အကြာကြီးနေလို့ မရတော့ဘူး။ တရွာလုံးသိသွားတကိုး။ အဲဒီ ဒု-ရင်းမှူးနာမည်က ဗိုလ်မှူးချစ်မောင်ပေါ့။ အဲဒီ အမျိုးသမီးနာမည်က မလှဝင်း တဲ့။ အလျော်လဲ မပေးခဲ့ဘူး။ ထခါတည်း လစ်ခဲ့ကြရတယ်။ တရွားလုံးသိသွားတော့ ရွာသားတွေက ပြောတော့တာပေါ့။ သိပ် ရှက်စရာကောင်းတယ်။

အင်း … ဟုတ်တယ်။ တပ်ထဲမှာတော့ ရဲဘော်တွေဟာ ပြည်သူ့အကြောင်း ဘာမှမပြောဘူး။ ဘာတွေဖြစ်နေမှန်းလဲ မသိကြဘူး။ တပ်အကြောင်းပဲ ပြောကြတယ်လေ။ ဒီမိုကရေစီလှုပ်ရှားတာနဲ့ပတ်သက်လို့ ပြောတာမရှိဘူး။ ရှိရင်လဲ တခါတည်း အချုပ်ခန်းထဲ ထည့်ပစ် လိုက်တယ်။ မပြောရဲဘူး။ နောက်တာ ပြောင်တာတော့ တခါတလေ ရှိတယ်။ တယောက်နဲ့ တယောက် နောက်တာပေါ့။ ငယ်ငယ်က တွေ့ဖူးခဲ့ တာကိုး။ အင်း … ကျောင်းတွေနဲ့ပတ်သက်ပြီးတော့ နောက်ကြပြောင်ကြတာပေါ့။ အရေးအခင်း (၁၉၈၈ ခုနှစ် အရေးတော်ပုံကို ရည်ရွယ် သည်) မှာ မင်းလဲပါတယ်။ မင်းလဲပါတယ်ဆိုပြီး နောက်ကြတာပါ။ အဲဒါကိုသိသွားရင် ဖမ်းဆီးခံရတယ်။ အချုပ်ကျတယ်ပေါ့။ (၂၈) ရက် တောင်မှ အချုပ်ခံရတယ်။ ဒါတွေ ပထမလဲပြောပြီးပြီ ထင်တယ်လေ။ တကယ်ပြောရရင်တော့ ဒီမိုကရေစီ သိပ်နားမလည်ဘူး။ အရေးအခင်းပဲ နားလည်တယ်။ အရေးအခင်းလို့ပဲ ပြောကြတယ်။ ဒေါ်အောင်ဆန်းစုကြည်နဲ့ပတ်သက်လို့ တပ်ထဲမှာ ဘာမှပြောလို့မရဘူး။ ရဲဘော်တွေ ပြော တော့ပြောတယ်။ တပ်ရင်းမှူးကြားသွားရင်တော့ အချုပ် (၂၈) ရက် ထိပြီ။ တခါတခါဆိုရင် တပတ်လောက်ထိတာ ထိတယ်။ စစ်ထောင်ထိ ရောက်သွားတဲ့အခါ ရောက်တယ်။ စစ်ထောင်မှာဆိုရင် (၃) လထိ ချပစ်တယ်။ ဒီမိုကရေစီကို ပြောတာထက် အပြစ်ကြီးတယ်။ လိုတော့တမျိုး မလိုတော့တမျိုးပေါ့။ သိပ်ကြောက်ရတယ်လေ။ ဗိုလ်ချုပ်အောင်ဆန်းနဲ့ ပါတ်သက်လို့တော့ ဆရာကြီး တွေပဲ အပြောများတယ်။ ဆရာကြီးတွေ ဆိုတာ ဒု-တပ်ကြပ် လောက်ပေါ့။ တပ်ကြပ်ကြီးတွေကျတော့ မပြောကြတော့ဘူး။ ဒါကလဲ ကြောက်လို့ပါ။ တကယ်လို့ သိသွားရင် သူတို့ပခုံးပေါ်က အရစ်တွေ ပြုတ်ကုန်ရော။ အဲဒါ ဗိုလ်ချုပ်အောင်ဆန်းအကြောင်းပြောတာနဲ့ အရစ် ပြုတ်တာ။ မကြားအောင်တော့ ပြောတာပေါ့။ တိုးတိုး တိုးတိုးနဲ့ပေါ့။ ကျေနပ်တယ် မကျေပန်ဘူးလိုတော့ မဟုတ်တော့ဘူး။ ဘာပဲလုပ်လုပ် ကျေနပ်လိုက်ရတာပဲ။ ကြောက်ရတာကိုး။

ဒီလိုနဲ့ တပ်ထဲမှာ တနှစ်ကျော်ကျော်ပဲ နေဖြစ်ခဲ့တယ်။ ဆရာကြီးတွေ ရိုက်တာ၊ နှိပ်စက်တာမခံနိုင်လို့ တပ်က ထွက်လာခဲ့တယ်။ ထွက်ပြေး ခဲ့တယ် ဆိုပါတော့။ အရွယ်က ငယ်သေးတယ်မဟုတ်လား။ စစ်ကျောပိုးအိတ် မထမ်းနိုင်ဘူး၊ တောင်ကုန်း တကုန်းလောက်တက်ရင် နောက်ထပ် မတက်နိုင်တော့ဘူး။ ဒီတော့ ရိုက်တာပေါ့။ ဒါနဲ့မထူးဘူး။ သေကာမှသေရောဆိုပြီး “အိုပီ” ကင်းထုတ်တုန်း ထွက်ပြေးလာ ခဲ့တယ်။ တပ်စခန်းနဲ့ “အိုပီ” ထုတ်တာ အတော့ကိုဝေးတယ်။ လှမ်းခေါ်လို့ မကြားရဘူး။ တယောက်တည်းပါပဲ။ ဘယ်မှာ ဘယ်သူရှိတယ် ဆိုတာ မသိပါဘူး။ ကြုံရာသွားမယ်လို့ စိတ်ကူးပြီး ထွက်လာတယ်။ အဲဒီလို ထွက်လာတော့ အဘိုးကြီးတယောက်နဲ့ တွေ့တယ်။ ဒီလိုနဲ့ ဘက်လမုရွာ ရောက်လာတယ်။ ဘက်လမုရွာမှာ ကော်သူးလေ (KNU) စစ်သားတွေရှိတယ်။ ကော်သူးလေစစ်သားတွေနဲ့ တွေ့တယ်။ ပထမတော့ သူတို့နဲ့ပဲ နေဖြစ်တာပေါ့။ သေနတ်ကို အပ်လိုက်တော့ ပိုက်ဆံသုံးထောင်ရတယ်လေ။ အဲဒီကမှတဆင့် ကျောင်းသား တပ်မတော် မကဒတ ကိုရောက်လာတယ်။ ပြန်ဖို့တော့ စိတ်မကူပါဘူး။

ဒါနဲ့ တခုပြောချင်တာကတော့ စစ်တပ်ထဲမှာ ဆေးသုံးတယ်ဆိုတာ တကယ်မှန်တယ်။ ထောင်ပေါက်တိုက်ပွဲမှာ ဆေးသုံးပြီး တိုက်ဖူးတယ်။ အဲဒီဆေးသောက်ပြီး တိုက်တော့ အဲဒီတုန်းက စစ်သားတော်တော်များများ ကျဆုံးသွားတယ်။ ဒီဆေးကိုကျွေးပြီးတော့ (၃) ရက်အကြာမှာ ပြန်ဖြေပေးတယ်။ “ခု ဒီတိုက်ပွဲမှာ ငပွေး (ကရင်) တွေနဲ့ တိုက်ရမှာဖြစ်တယ်။ ဒီဆေးသောက်ထားကြ” ဆိုပြီး တိုက်တယ်။ အမောခံ နိုင်တယ်ပေါ့။ အဆာလဲ ခံနိုင်တယ်ဆိုပြီး သောက်ခိုင်းတယ်။ ဆရာတွေ မသောက်ဘူး။ ရဲဘော်တွေပဲ သောက်ရတယ်။ မသိကြတော့ သောက်ကြတာပေါ့။ အားလုံးကိုတော့ မသောက်မိဘူး။ တလုံး နှစ်လုံးလောက်ပဲ သောက်တယ်။ ဒါတောင် ရှေ့မှာ လှုပ်ရှားတာပဲ တွေ့တယ်။ ရှေ့ဖက်ကိုတိုးတက်နေတာတောင် သိပ်သတိမထားမိတော့ဘူး။ တက်ဖို့ပဲ သိနေတာကိုး။ ရှေ့မှာ ဘာဖြစ်လို့ ဖြစ်မှန်းလဲ မသိတော့ဘူး။ အဲဒီ တိုက်ပွဲမှာ ၁၉၉၅ ခု၊ ၆ လပိုင်းမှာ ဖြစ်ခဲ့တယ်လေ။ ဟုတ်တယ်။ တခါတလေ အဖေအမေတွေ သိပ်သတိရတယ်။ အဖေ အမေတွေက ခုတော့ ဆုံးသွားပြီလို့ ကြားတယ်။ ဟုတ်တယ် မဟုတ်တယ်တော့ မသိဘူး။ အဖေက အရင်က စစ်သား တယောက် ပါပဲ။ ခုတပ်မှာတော့ မနေတော့ဘူး။ တိုက်ခိုက်ရေး စစ်သားမဟုတ်ဘူး။ ရိက္ခာပို့ ထောက်ပံရေးတပ်က။ ဒီလို တပ်ထဲရောက်လာတာ အဖေအမေတွေ မသိဘူး။ သိလို့ မရဘူး၊ စာတောင် ရေးလို့မရဘူး။ အိမ်နဲ့ဆက်သွယ်လို့ လုံးဝမရခဲ့ဘူး။ စိတ်ထင်တော့ အဖေအမေတွေ ပြန်ခေါ်မှာကြောက်လို့ ခုလို ဆက်သွယ်ခွင့်၊ သိခွင့် မပေးတာဖြစ်မယ်လို့ ထင်တယ်။

အဖေ အမေတွေက ဈေးရောင်းစားတယ်။ တပ်က ထူထောင်ပေးတာ မဟုတ်ဘူး။ ကိုယ့်ဖာသာကိုယ် လုပ်စားတာ။ တပ်က မိသားစုကို ဘာမှ အကူအညီမပေးဘူး။ အရင်ကတော့ အမေဖျာပုံမှာနေတယ်။ အမေကတော့ ပုသိမ်ဇာတိပါပဲ။ မြစ်ဝကျွန်းပေါ် ဒေသချည်းပါပဲ။ ၁၉၈၈ ခု အရေးအခင်းဖြစ်တော့ အဲဒီတုန်းက သိတော့သိတယ်လေ။ ဒါပေမယ့် ဘာတွေလို့တော့ မသိမိဘူး။ အဲဒီတုန်းက (၉) နှစ်ကျော် ရုံပဲ ရှိ သေးတယ်ဆိုတော့ သိပ်မမှတ်မိဘူး။ အိမ်အပြင်တောင် မထွက်ရဲဘူး။ သေနတ်သံတွေ အဆက်မပြတ်ကြားနေတယ်လေ။

ဒေါင်းအိုးဝေ - အတွဲ (၁)၊ အမှတ် (၄)၊ အောက်တိုဘာလ၊ ၁၉၉၇။ (စာမျက်နှာ - ၁၆ မှ ၁၈ ပါ ဆောင်းပါး)

အရှင်ခေမာစာရ
(ရဟန်းပျိုသမဂ္ဂ)